- يابنتي، هو انا باقولك تعملي حاجة غلط لا سمح الله؟ انتي بنتي .. من يوم ماجيتي الشغل ده من سنين وانتي بنتي.. تعرفي امبارح بيقوللي ايه؟ كل اللي عاوزه أبص لوشها كل يوم الصبح بس .. ايه لزومه موضوع النقل ده؟ .. انتي ماشفتيش شكله بقى ازاي؟. وبعدين خللي بالك، غير ان هو الكل في الكل هنا، انتي ماتعرفيش نفوذه واصل لفين .. مش هاتعرفي تتنقلي .. وحتى لو اتنقلتي ، اللي هناك برضه بتوعه .. ماتضيعيش نفسك
- علشان كده مش عايزة اشوفه .. لو كلمته تاني هايكون علشان خايفة منه او .. شكله هايصعب عليا...
- شفتي .. بتحبيه
- لأ .. اي حاجة غير كده.. ماعادش ينفع
- ليه الجنان ده بس .. ده انتي كنتي بتحبيه .. صارحيني، انتي شفتي ايه منه لده كله!؟
- مابقيتش شايفاه راجل
ليست هناك تعليقات:
إرسال تعليق